Пояс — лінія жыцця. З даўніх часоў гэтая дэталь адзення для нашых продкаў была не проста аксесуарам у гардэробе, а сімвалам, абярэгам. Таму ў куфры кожнага беларуса паясоў было шмат. І кожны з арнаментам, зашыфраванымі сімваламі сонца, багацця, здароўя. Гісторыю паясоў добра ведае Ніна Ярмух. Больш за 20 гадоў полацкая майстрыха займаецца іх вырабам. Прычым тчэ стракатую тасьму на дошчачках.