Стварэнне працоўных месцаў на прадпрыемствах, адкрыццё новых вытворчасцей, выдзяленне субсідый на развіццё ўласнай справы, перанавучанне на запатрабаваныя прафесіі. Так у рэгіёнах вырашаецца пытанне занятасці насельніцтва. Напрыклад, толькі ў Віцебскай вобласці летась новыя прафесіі, якія карыстаюцца попытам на рынку працы, асвоілі больш за тысячу чалавек. Стаўка і на развіццё бізнесу. Вядома, прыватная ініцыятыва прыносіць агульную карысць. Марына Раманоўская працягне тэму. Намеснік кіраўніка кандытарскай-пякарні Вольга Білей узгадвае: прыемны водар пірожных і тартоў пачаў разносіцца па гэтым цэху летась. Маладыя бізнесмены арэндавалі памяшканне, закупілі абсталяванне, распрацавалі рэцэпты. Удалося стварыць вытворчасць кандытарскіх вырабаў па поўным цыкле. "Напалеон", "Мілка", "Цірамісу". Тут выпякаюць смачныя вырабы па класічных і сучасных рэцэптах. Васямнаццацігадовая Каміла Тысевіч сумяшчае вучобу ў каледжы з працай. На прыватнае прадпрыемства ўладкавалася месяц таму. Кандытарская-пякарня пачала расшырацца і спатрэбіліся новыя людзі - кандытары, прадаўцы. У перспектые тут плануюць выпякаць хлеб, багеты, круасаны, пірагі. Развіваць смачную справу бізнесмены плануюць у некалькіх кірунках.