Джаз і дзеці. Якія здольнасці развівае гэты музычны напрамак, і дзе можна навучыцца джазаваму вакалу? На уроках джаза і канцэртных пляцоўках, дзе пашыраюцца межы звыклых музычных канонаў, пабывала наш карэспандэнт Ларыса Гулякевіч. Алёна з сямі гадоў сур'ёзна займалася мастацкай гімнастыкай, марыла ўдзельнічаць у спартыўных спаборніцтвах. Усё змянілася, калі яна пазнаёмілася з джазам. Экспрэсіўныя музычныя рытмы прыйшліся да спадобы і Алёне, і яе бацькам. Вынік захаплення - першае месца не ў спартыўным, а ў музычным міжнародным конкурсе "Кубак дружбы", дзе былі прадстаўлены і нацыянальны танец Кітая, і мастацтва з розных куткоў Расіі. Беларуска Алёна Каламыцава перамагла ў намінацыі "Джазавы вакал". Падрыхтавала Алёну выкладчык школы сучаснага вакальнага мастацтва ў Мінску Вераніка Яноўская. Яшчэ адна вучаніца Веранікі - Соня Корхіна. Дзяўчынка з музычнай сям'і. Тут нават сабака спявае джаз. Аднак спачатку вялікіх вакальных здольнасцяў бацькі ў дзяўчынкі не назіралі. У школе выкладаюцца такія музычныя жанры як джаз, поп, соул, блюз, для якіх не патрэбны голас опернага спевака. Галоўнае - валоданне сваім вакальным інструментам і ўмець інтэрпрэтаваць. Зараз ідзе падрыхтоўка да новага творчага праекта - дзеці будуць выконваць джаз разам з вядомым джазавым гуртам Белдзяржфілармоніі. А ў канцэртнай зале "Верхні горад" кожны месяц праходзяць джазавыя канцэрты "Джаз для дзяцей. Музычныя стылі ў джазе". Музыку з кіно і мультфільмаў вопытныя музыканты краіны выконваюць у джазавай інтэрпрэтацыі. Такі джазавы канцэрт для дзяцей - сур'ёзная альтэрнатыва акадэмічна-класічнаму канцэрту. Знаёмыя песні з дзіцячага рэпертуару ў джазавай апрацоўцы развіваюць імправізацыю, пачуццё рытму, танца, але галоўнае - любоў да музыкі. Публіка тут пастаянная. А для навічкоў - бонусы: магчымасць паіграць на музычных інструментах, адчуць джазавую структуру рытмаў. Найбліжэйшы канцэрт - 24 лютага. На мове джаза прагучаць вядомыя кампазіцыі з любімых казак.