Больш за 3 тысячы паведамленняў атрымаў экалагічны чат-бот. Анлайн-дапаможнік, які ведае ўсё аб перапрацоўцы смецця, распрацавалі ў Цэнтры экалагічных рашэнняў. Экаробат падкажа, у які кантэйнер класці той ці іншы тып адходаў і што рабіць з рэчамі, якія нельга адправіць на перапрацоўку. Дапаможнік таксама дае карысныя парады, як перайсці на больш экалагічны стыль жыцця. Яшчэ 10 гадоў таму сярэднестатыстычны беларус за год пакідаў пасля сябе да 200 кілаграмаў смецця, сёння ўсе 300, а жыхар Мінска і таго больш - да паўтоны. Частка адходаў жыццядзейнасці вялікага горада трапляе на смеццесартавальны завод.