Сталічныя тэхнапаркі папаўняюцца новымі рэзідэнтамі і прапануюць арыгінальную прадукцыю. Так, у Мінскім гарадскім тэхнапарку будуць выпускаць спецтрэнажоры. Запатрабаваныя і распрацоўкі завода «Палітэхнік» БНТУ. Дзе крэатыўныя і навуковыя ідэі ператвараюцца ў бізнес і якую падтрымку аказваюць маладым прадпрымальнікам? Больш падрабязна Аляксей Кандраценка. На доследным заводзе тэхнапарка «Палітэхнік» ведаюць, як гартавалася сталь для… імплантаў. Прадпрыемства заняло нішу ў галіне вытворчасці высокатэхналагічных вырабаў для траўматалогіі і артапедыі. Адначасова ўсё, што тут выпускаюць, замяшчае імпарт. Гісторыя ж развіцця гэтага рэзідэнта тэхнапарка пачыналася са студэнцкай ідэі. Як з дапамогай тэхналогій ператварыць беларускі нацыянальны каларыт ў стыльныя рэчы? Сёння адзенне і аксесуары з вышытымі элементамі - хіты продажу. Сёння ў «Палітэхніка» 20 рэзідэнтаў і звыш паўсотні інавацыйных праектаў і стартапаў. Пры гэтым дзверы для навічкоў заўсёды адчынены. Сучасная інфраструктура, распрацоўка бізнес-мадэлі, пошук партнёраў для кааперацыі, льготны падатковы рэжым - гэта толькі некаторыя бонусы тэхнапарка. У цэлым ў тэхнапарку БНТУ ўсё накіравана на тое, каб у моладзі фарміравалася інавацыйная культура. Ужо ў сярэдзіне снежня прадстаўнікі беларускіх тэхнапаркаў абмяркуюць вынікі года і перспектыўныя планы. Пляцоўкай для сустрэчы стане «Палітэхнік», дзе пройдзе Беларуска-турэцкі інавацыйны форум.