Ён не прапускае ніводнага свайго спектакля, а выканаўцам галоўных партый дорыць кветкі перад выхадам на сцэну. Кампазітар Уладзімір Кандрусевіч напісаў музыку больш чым для дзвюх соцень пастановак тэатраў Беларусі і замежжа. Аўтар стварае оперы, сімфоніі, балеты, араторыі, кантаты, камерныя, інструментальныя і вакальныя творы, хаця ў юнацтве захапляўся рокам, за што і выключылі з кансерваторыі. На стварэнне першага нацыянальнага мюзікла "Сафія Гальшанская" яго натхніла манета. Чаму музыкант адмовіў шасці лібрэтыстам, а ідэю стварэння гістарычнага спектакля не падтрымалі калегі? Лаўрэат дзяржаўнай прэміі кампазітар Уладзімір Кандрусевіч у новай серыі праекта "Справа жыцця".