Капітальны рамонт, замена ліфтаў, азеляненне вуліц, а таксама абноўлены выгляд паркаў адпачынку. Кіраўнікі арганізацый жыллёва-камунальнай гаспадаркі Мінска расказалі пра планы на гэты год. Капітальна адрамантуюць у сталіцы 965 000 квадратных метраў жылля. А пра асаблівасці і тэрміны выканання работ інфармаваць будуць у папулярных месенджарах, у тым ліку і праз "Вайбер". У сталіцы сёлета высадзяць больш за 10 мільёнаў кветак, акцэнт на азеляненні не толькі ў цэнтры горада, але і ў спальных мікрараёнах. Таксама плануецца рэканструкцыя паркаў імя Уга Чавеса і Паўлава. Свой выгляд пачне змяняць і парк Горкага. А ўжо ўвесну сталіцу ўпрыгожаць спецыяльныя кветкавыя кампазіцыі, прысвечаныя ІІ Еўрапейскім гульням.