Які беларус не марыць вярнуцца з цеснага, шумнага, пыльнага горада ў вёску – да каранёў, дзе каласіцца бульба і кароўкі штодня нясуць свежыя яйкі… Але няшмат хто з нас, гараджанаў, добра ўяўляе, што такое – гэтае жыццё на вёсцы. А, як кажуць, ёсць нюансы. Аляксей Хацкевіч – прафесійны даўншыфцер, мастак, аўтар і удзельнік праекта «Саша і Сірожа» – чалавек дасведчаны. Ужо некалькі гадоў жыве ў вёсцы пад Мінскам. Зараз ён распачынае новы праект: час ад часу ён будзе наведвацца на “фазэнды” да вядомых беларусаў, каб даведвацца, як гарадскія наладжваюць свой побыт за горадам.