Святлана Ціханоўская распавяла, што падчас візіту ў ЗША дэмсілы дасягнулі запуску стратэгічнага дыялогу з дэмакратычнай Беларуссю. Да дыялогу запрошаны прадстаўнікі Каардынацыйнай рады і грамадзянскай супольнасці Беларусі, адроджаны ўсе кантакты, якія былі разбураныя Лукашэнкам. У бліжэйшыя месяцы ЗША прызначаць спецпасланніка для супрацы з дэмакратычнымі сіламі. ЗША не падтрымліваюць змякчэнне санкцыяў на транзіт калійных угнаенняў праз краіны ЕС, а падтрымліваюць памер дапамогі Беларусі ў аб'ёме 30 мільёнаў долараў на падтрымку незалежных СМІ, праваабаронцаў, НДА і рэпрэсаваных. Кангрэс працуе над новым законам аб дэмакратыі, суверэнітэце і правах чалавека ў Беларусі, які дапаможа зрабіць падтрымку ЗША больш сістэмнай і паслядоўнай.